Lær at brúka Facebook og Instagram til at marknaðarføra tína fyritøku.
Les meira+100 væl nøgdir luttakarar higartil
Skeiðið er skipað soleiðis, at tað verður eitt sindur av undirvísing, og so fyri tað mesta praktiskar uppgávur, har tú sjálv/ur arbeiðir við lýsingarplatforminum á tíni egnu teldu við vegleiðing frá skeiðsleiðaranum.
Tí skulu allir skeiðsluttakarar hava teldu við, so øll hvør í sínum lag kunnu royna seg við sínum egnu lýsingum.
Áleið 31.000 føroyingar eru á Facebook og 14.000 á Instagram “hvønn dag” – og nógv teirra í fleiri tímar um dagin. Vit hava Facebook og Instagram við í lummanum (á fartelefonini), og mong seta seg fleiri ferðir um dagin at fregnast um hvat rørir seg á Facebook og á Instagram. Um tín fyritøka, stovnur ella felagsskapur skal røkka út til fólk, har tey eru, so er Facebook og Instagram vert at brúka tíð uppá.
Hvat skalt tú skriva og hvørja mynd skalt tú velja? Har eru eisini ymisk sløg av lýsingum, ið tú kanst velja alt eftir, hvat endamálið við lýsingini er.
Tú lærir at málrætta eftir klaksvíkingum ella suðuroyingum, fitness-enthusiastum ella game'arum, fólki í parlagið ella foreldrum við tannáringabørnum.
Tú lærir at hyggja eftir hagtølum og rapportum á Facebook Ads Manager fyri at eftirmeta hvat riggar og hvat ikki riggar.
Tú lærir at arbeiða proaktivt við hvussu tú fóðrar tína Facebook- og Instagram síðu við góðum og viðkomandi innihaldi, ið er grundleggjandi fyri success á Facebook.
Við Facebook Ads Manager kanst tú seta upp størri lýsingarátøk við fleiri málbólkum og ymsum lýsingum.
Finn útav, hvussu tú lættliga finnur fram kvittanir uppá tína brúktu lýsingarpengar á Facebook og Instagram.
føroyingar eru á Facebook hvønn dag
føroyingar eru á Instagram hvønn dag
hava bara brúkt fartelefonina til Facebook síðstu 30 dagarnar
Útbúgvin innan talgilda marknaðarførslu (MSc) og samskifti og miðlar (BA). Starvast dagliga sum ráðgevi innan digitala marknaðarføring og samskifti fyri fleiri størri og smærri føroyskar fyritøkur, og hevur drúgvar royndir í at arbeiða við sosialum miðlum.
Hann hevur javnan skeið í Facebook marknaðarføring og Google Ads, undirvísir á Glasir í Havn innan marknaðarførslubúskap og hevur undirvíst fleiri av politisku flokkunum, um hvussu Facebook kann brúkast í politiskum valstríði. Seinastu 7 árini hevur hann ráðgivið og undirvíst 100+ føroyskum fyritøkum í effektivari marknaðarførslu á netinum.
Hann hevur eisini granska innan politiskt samskifti á sosialum miðlum og hevur útgivið sítt arbeiði í altjóða viðurkenda tíðarritinum International Journal of Information Technology and Politics.
