Facebook grundskeið

Lær at brúka Facebook og Instagram til at marknaðarføra tína fyritøku.

Les meira
Hotel Hafnia Tórshavn
Mán. 21. sept. 2020 kl. 09:00 - 16:00
kr. 2.500 u/MVG Morgunmatur og døgurði er við í prísinum.
15 pláss

Seinasta freist at tekna seg er 14. sept.

+100 væl nøgdir luttakarar higartil

100+ væl nøgdir luttakarar hava luttikið

Skeiðið er skipað soleiðis, at tað verður eitt sindur av undirvísing, og so fyri tað mesta praktiskar uppgávur, har tú sjálv/ur arbeiðir við lýsingarplatforminum á tíni egnu teldu við vegleiðing frá skeiðsleiðaranum.

Tí skulu allir skeiðsluttakarar hava teldu við, so øll hvør í sínum lag kunnu royna seg við sínum egnu lýsingum.

Hví marknaðarføra á Facebook?

Áleið 31.000 føroyingar eru á Facebook hvønn dag – og nógv teirra í fleiri tímar um dagin. Vit hava Facebook við í lummanum (á fartelefonini), og mong seta seg fleiri ferðir um dagin at fregnast um hvat rørir seg á Facebook. Um tín fyritøka, stovnur ella felagsskapur skal røkka út til fólk, har tey eru, so er Facebook vert at brúka tíð uppá.

Skeiðsinnihald

Gera eina góða lýsing

Hvat skalt tú skriva og hvørja mynd skalt tú velja? Har eru eisini ymisk sløg av lýsingum, ið tú kanst velja alt eftir, hvat endamálið við lýsingini er.

Raka rætta málbólkin

Tú lærir at málrætta eftir klaksvíkingum ella suðuroyingum, fitness-enthusiastum ella game'arum, fólki í parlagið ella foreldrum við tannáringabørnum.

Eftirmeta hvat riggar

Tú lærir at hyggja eftir hagtølum og rapportum á Facebook Ads Manager fyri at eftirmeta hvat riggar og hvat ikki riggar.

Tilrættisleggja títt innihald

Tú lærir at arbeiða proaktivt við hvussu tú fóðrar tína Facebook síðu við góðum og viðkomandi innihaldi, ið er grundleggjandi fyri success á Facebook.

Seta upp størri lýsingarátøk

Við Facebook Ads Manager kanst tú seta upp størri lýsingarátøk við fleiri málbólkum og ymsum lýsingum.

Finna kvittanir til bókhaldið

Finn útav, hvussu tú lættliga finnur fram kvittanir uppá tína brúktu lýsingarpengar á Facebook.

32.000

føroyingar eru á Facebook hvønn dag

14.000

føroyingar eru á Instagram hvønn dag

35%

hava bara brúkt fartelefonina til Facebook síðstu 30 dagarnar

Jákup Justinussen

Undirvísari

Útbúgvin innan talgilda marknaðarførslu (MSc) og samskifti og miðlar (BA). Starvast dagliga sum ráðgevi innan digitala marknaðarføring og samskifti fyri fleiri størri og smærri føroyskar fyritøkur, og hevur drúgvar royndir í at arbeiða við sosialum miðlum.

Hann hevur áður havt skeið í Facebook marknaðarføring og Google Adwords, undirvísir á Glasir í Havn innan marknaðarførslu og búskap og hevur undirvíst fleiri politiskum flokkunum, um hvussu Facebook kann brúkast í politiskum valstríði.

Hann hevur eisini granska innan politiskt samskifti á sosialum miðlum og hevur útgivið sítt arbeiði í altjóða viðurkenda tíðarritinum International Journal of Information Technology and Politics.

Hesum havi eg hjálpt