Finn útav hvat riggar og hvat ikki riggar

The numbers don’t lie! Google Analytics er eitt kraftmikið og ÓKEYPIS amboð, ið gevur tær innlit í hvussu vitjandi uppføra seg á tíni heimasíðu ella app – og harvið hjálpir tær at fáa betur úrslit úr tíni talgildu marknaðarførslu.

Tú sært hvussu nógv vitja, hvussu leingi tey vitja, hvørjar síður tey vitja, hvørjar knøttar tey trýsta á, um tey vitja á fartelefon ella teldu, hvussu nógv keypa, hvar í keypsprosessini tey hoppa av, hvussu tey flyta seg runt á heimasíðuni – og nógv annað.

Slutt við at gita – betur at vita.

Lær at skilja hagtølini

Á skeiðinum lærir tú at skilja hvussu tú arbeiðir við Google Analytics, hvørji tøl eru týdningarmikil fyri teg og hvussu tú finnur tey røttu hagtølini. Vit arbeiða eisini við hvussu tú kanst fáa serligt innlit, ið tú kanst umseta til handling fyri at effektivisera tykkara heimasíðu, so hon betur ger tað, ið hon er ætlað at gera.

Skeiðið er praktiskt. Tað merkir, at tú sleppur sjálv/ur at arbeiða við Google Analytics og grava runt í hagtølum fyri tína heimasíðu (ella eini demosíðu) við vegleiðing frá undirvísaranum.